वीरगंज, २९ चैत ।
जिल्ला प्रहरी कार्यालय, पर्साले लागु औषध सहित एकजना युवकलाई पक्राउ गरेको छ ।
सोमवार दिउंसो वीरगंज महानगरपालिका वडा नं. १६ बसपार्कबाट पैदल हिंडिरहेका दोलखा जिरी न.पा.७ बस्ने वर्ष २४ को बाङचुङ शेर्पालाई लागूऔषधसहित पक्राउ गरिएको जिप्रका, पर्साले जनाएको छ । शेर्पाले बोकेको झोलाबाट डाइजेपाम १२८ एम्पुल, नुर्फिन २८ एम्पुल, फेनारगन १२६ एम्पुल र बुप्रेनोर्फिन १०० एम्पुल बरामद भएको प्रहरीले जनाएको छ । पक्राउ परेका शेर्पामाथि लागूऔषध मुद्दा चलाइएको जिप्रका, पर्साले जनाएको छ ।
प्रतिक्रिया लेख्नुहोस्