वीरगंज, १६ भदौ/
जनता समाजवादी पार्टी नेपालको 'जनतासँग जसपा नेपाल' नारासहित एक दिने अभिमुखीकरण कार्यक्रम आइतवार वीरगंजमा सम्पन्न भएको छ ।
कार्यक्रमको उद्घाटन गर्दै जनता समाजवादी पार्टी नेपालका अध्यक्ष उपेन्द्र यादवले देशभरि पार्टी र शक्ति निर्माणको लागि यो अभियान चलाइएको बताए । उनले जसपा नेपाल परिवर्तनकारी पार्टी भएको र अहिले पार्टीलाई मजबूत बनाउनुपर्ने आवश्यकता रहेको बताए । उनले यही कुरालाई ध्यानमा राखी जसपा नेपालले चार महीने अभियान शुरू गरेको बताए । उनले गाउँ, शहरका टोलटोलमा यो अभियान सञ्चालन हुने बताए ।
उनले देशमा बहुदल आएको साढे तीन दशक भयो र यस अवधिमा नेका र एमाले तथा माओवादीले सत्ताको बागडोर सम्हाल्दै आएका कारण देशमा बेथिति बढेको आरोप लगाए । मधेसीले भने सङ्घीयता आएपछि अधिकार पाएको र यसको प्रमुख कारण मधेस आन्दोलन भएको उनले बताए । अहिले मधेसीका छोराछोरी शासन र प्रशासनमा कोटाको आधारमा आफ्नो नाम निकाल्न सकिरहेका र यसको कारण पनि मधेस आन्दोलन नै भएको उनले बताए । उनले नेका, एमाले र माओवादीका कारण देशमा भ्रष्टाचार बढेको, कुशासन शुरू भएको र अनियमितता अनि लुटतन्त्र मचेको आरोप लगाए । उनले आम नेपालीको नैसर्गिक अधिकार शिक्षा र स्वास्थ्यमा पनि चरम बेथिति रहेको र यी क्षेत्रको विकासका लागि पनि जनताले सडक तताउनुको विकल्प नरहेको बताए ।
उपाध्यक्ष राजकिशोर यादवले पनि नेका, एमाले र माओवादीकै कारण देश बिग्रिएको आरोप लगाए । उनले विगत हेरी अहिले जसपा नेपाल धेरै सच्चिएर अघि बढिरहेको बताए । उनले पार्टीभित्रका असहमतिलाई छलफलको माध्यमबाट मत्थर गरिने र नेता, कार्यकर्ताको मनोभावनाअनुरूप पार्टी अघि बढने दाबी गरे ।
महासचिव एवं मधेस प्रदेशका पूर्वमुख्यमन्त्री लालबाबू राउत गद्दीले जसपा नेपाल छाडेर जानेहरू अहिले दुर्गतिको शिकार भएको दाबी गरे । उनले चरम व्यक्तिगत स्वार्थसिद्ध गर्न केही व्यक्तिहरूले पार्टी फुटाएका र उनीहरूलाई मधेसी जनताले आगामी दिनमा बहिष्कार गर्ने बताए । उनले पार्टीभित्रको अन्तरविरोध नभएर कुर्सी र सत्ताको लागि नितान्त व्यक्तिगत स्वार्थका लागि पार्टी फुटाएको आरोप लगाए ।
प्रदेश अध्यक्ष बालकिशोर यादवको अध्यक्षतामा भएको कार्यक्रममा उपाध्यक्ष्F गोविन्द चौधरी, मृगेन्द्र यादव, महासचिव रामकुमार शर्मा, दीपक कार्कीलगायतले मन्तव्य व्यक्त गरेका थिए । कार्यक्रममा पर्सा अध्यक्ष रामनरेश यादवले स्वागत गरेका थिए ।
जनता समाजवादी पार्टी नेपालको 'जनतासँग जसपा नेपाल' नारासहित एक दिने अभिमुखीकरण कार्यक्रम आइतवार वीरगंजमा सम्पन्न भएको छ ।
कार्यक्रमको उद्घाटन गर्दै जनता समाजवादी पार्टी नेपालका अध्यक्ष उपेन्द्र यादवले देशभरि पार्टी र शक्ति निर्माणको लागि यो अभियान चलाइएको बताए । उनले जसपा नेपाल परिवर्तनकारी पार्टी भएको र अहिले पार्टीलाई मजबूत बनाउनुपर्ने आवश्यकता रहेको बताए । उनले यही कुरालाई ध्यानमा राखी जसपा नेपालले चार महीने अभियान शुरू गरेको बताए । उनले गाउँ, शहरका टोलटोलमा यो अभियान सञ्चालन हुने बताए ।
उनले देशमा बहुदल आएको साढे तीन दशक भयो र यस अवधिमा नेका र एमाले तथा माओवादीले सत्ताको बागडोर सम्हाल्दै आएका कारण देशमा बेथिति बढेको आरोप लगाए । मधेसीले भने सङ्घीयता आएपछि अधिकार पाएको र यसको प्रमुख कारण मधेस आन्दोलन भएको उनले बताए । अहिले मधेसीका छोराछोरी शासन र प्रशासनमा कोटाको आधारमा आफ्नो नाम निकाल्न सकिरहेका र यसको कारण पनि मधेस आन्दोलन नै भएको उनले बताए । उनले नेका, एमाले र माओवादीका कारण देशमा भ्रष्टाचार बढेको, कुशासन शुरू भएको र अनियमितता अनि लुटतन्त्र मचेको आरोप लगाए । उनले आम नेपालीको नैसर्गिक अधिकार शिक्षा र स्वास्थ्यमा पनि चरम बेथिति रहेको र यी क्षेत्रको विकासका लागि पनि जनताले सडक तताउनुको विकल्प नरहेको बताए ।
उपाध्यक्ष राजकिशोर यादवले पनि नेका, एमाले र माओवादीकै कारण देश बिग्रिएको आरोप लगाए । उनले विगत हेरी अहिले जसपा नेपाल धेरै सच्चिएर अघि बढिरहेको बताए । उनले पार्टीभित्रका असहमतिलाई छलफलको माध्यमबाट मत्थर गरिने र नेता, कार्यकर्ताको मनोभावनाअनुरूप पार्टी अघि बढने दाबी गरे ।
महासचिव एवं मधेस प्रदेशका पूर्वमुख्यमन्त्री लालबाबू राउत गद्दीले जसपा नेपाल छाडेर जानेहरू अहिले दुर्गतिको शिकार भएको दाबी गरे । उनले चरम व्यक्तिगत स्वार्थसिद्ध गर्न केही व्यक्तिहरूले पार्टी फुटाएका र उनीहरूलाई मधेसी जनताले आगामी दिनमा बहिष्कार गर्ने बताए । उनले पार्टीभित्रको अन्तरविरोध नभएर कुर्सी र सत्ताको लागि नितान्त व्यक्तिगत स्वार्थका लागि पार्टी फुटाएको आरोप लगाए ।
प्रदेश अध्यक्ष बालकिशोर यादवको अध्यक्षतामा भएको कार्यक्रममा उपाध्यक्ष्F गोविन्द चौधरी, मृगेन्द्र यादव, महासचिव रामकुमार शर्मा, दीपक कार्कीलगायतले मन्तव्य व्यक्त गरेका थिए । कार्यक्रममा पर्सा अध्यक्ष रामनरेश यादवले स्वागत गरेका थिए ।
प्रतिक्रिया लेख्नुहोस्